പ്രണയത്തിന്റെ പുതിയ രൂപം

മിഴിനീരൊഴുക്കി നീ ചാ‍രെ നിന്നപ്പോൾ...
നിൻ അശ്രുകണങ്ങൾ എൻ കവിതയായി...
എൻ വീണയെ മെല്ലെ തഴുകിയപ്പോഴതു..
നെഞ്ചിൽ പെയ്ത മഴയായി..
എന്റെ ആത്മാവിൽ ഊറും അഴകായി..

മധുരിമേ അന്നു നീ എന്നിൽ അലിഞ്ഞെങ്കിൽ
സംഗീതസാന്ദ്രമായേനേ.. മമ മേനി
ഹിന്ദോളരാഗം മൂളിയേനേ...
എന്റെ ആത്മാവിനാനന്ദം. ഏകിയേനെ.
അകതാരിൽ പ്രണയം വിടർത്തിയേനെ..

ആത്മാവിൽ ഒഴുക്കിയ അഴകിൻ കതിരുകൾ
സിത്താറിൻ ഈണങ്ങളാക്കി...
കാർമുകിൽ മാഞ്ഞൊരു സാ‍യംസന്ധ്യയിൽ..
കണ്ണാ... നിനക്കായ് പാടി..
എന്റെ പ്രണയം സംഗീതമായി

(എന്റെ പ്രണയം)